ආදරය . . . කෙසේ නම් අරුත් ගන්වමුද?

ආදරය තරම් නිතර කියැවෙන ඇසෙන වදනක් නොමැති තරම්ය. කවර කලා නිර්මාණයක වුව ද තේමාව වන්නේ බොහෝ විට ආදරයයි. ඇස්කිමෝවරුන්ගේ භාෂාවේ අයිස් හැඳින්වීමට යොදනසමාන පද 52 ක් ඇත.

ඒ අයිස් එතරම්ම ඔවුන්ට වැදගත් නිසාය. එසේම ආදරය හැඳින්වීමට සමාන පද රැසක් ඕනෑම බසක පවතින්නේ එය එතරම්ම ජීවිතයට සමීප නිසාය. ආදරය ගැන විවිධ පුද්ගලයන් දක්වා ඇති අදහස් කීපයක් මේ සමඟ දක්වාලමු.

ඇසට නොපෙනෙන හදවත දකින දේ ආදරයයි. (ජැක්සන් බුවුන්)
ඔබ නිදි නැතිව රෑ ගණන් ගත කරන විට ආදරය කරන්නට පටන් ගෙන ඇති බව ඔබට දැනේ. එයට හේතුව සැබෑව සිහිනයට වඩා මිහිරිවීමයි. (සියුස්)
මලක් හිරු එළිය නැතිව පිබිදෙන්නේ නැතිවාක් මෙන්ම ජීවිතය ද ආදරයෙන් තොරව ගත නොවේ. (මැක්ස් මුලර්)
මා ඉතා තදින් පෙළඹී සිටින විට මාව පාලනය කළ හැකි අයකු වේ නම් ඒ මම ඔහුටත් ඔහු මටත් දැඩි සේ ආදරය කරන නිසාය. (මැරිලීන් මොන්රෝ)
සැමට පෙර තමන්ටම ආදරය කරන්න. (ලුසිල් බෝල්)
සීනුව සීනුවක් වන්නේ එය නාද වන විටය. ගීතය ගීතයක් වන්නේ එය ගයන විටය. එසේම ආදරය ආදරය වන්නේ එය බෙදා දෙන විටය. (ඔස්කාර් හැමර්ස්ටින්)
මල් මතට ද ගල් මතට ද වෙනසක් නොමැතිව වැටෙන පින්නක් වැනිය - ආදරය. (ස්වීඩන් ප්‍රවාදයක්)
ඒකීයත්වය මෙන්ම විවිධත්වය ද ගැටුමකින් තොරව පවත්වා ගත හැක්කේ ආදරයට පමණි. (රවීන්ද්‍රනාත් තාගෝර්)
ඉතා සුළු දෙයක් පවා සිත තුළ මහත් කම්පනයක් බවට පත් කරන ආදරය කොතරම් අපූරු ද. (ජෝන් මුල්වර්)
ඔබ කෙරෙහි මගේ ඇති ආදරය දරා සිටීමට හදවත් දහසක් වුව ද ප්‍රමාණවත් නොවේ යයි හැඟේ. (අඥාතයි)
සැමියා මඩ තැවරුණු දෙපයින් ඇවිද ගෙන ගොස් කිලිටි කළ ගෙබිම ගීයක් මුමුණමින් සෝදා දමන්නට බිරියට හැකි නම් සැබෑ ආදරය එතැනයි. (ඩ්ධධඵඪඥප ජ්චපථඥප පුවත්පතින්)
ඔබ සහකරු සමඟ පටන් ගත් ගමන ආපසු හැරී එන්නට නොසිතේ නම් ඔබ සැබෑ ලෙසම ආදරය සොයා ගෙන ඇත. (රොබර්ට් බ්‍රෝල්ට්)
අන් අයකුගේ ආදරය ලැබෙන විට ඔබ තුළ අපූර්ව ශක්තියක් හටගන්නා අතර ඔබ පෙරළා ආදරය කරන විට මහත් ධෛර්යයක් ඇතිවේ. (ලාඕට්සු)
ආදරය යනු ඔබ සොයා යන දෙයක් නොව ඔබ සොයා එන දෙයකි. (ලොරෙටා යං)
හැම හමුවීමකදීම සුන්දර සිනහවක් මුවට නඟා ගන්න. එය ආදරයේ උල්පතයි. (තෙරේසා මවුතුමිය)
ආදරය යනු සිරුරු දෙකක් පුරා පැතිර ගිය එකම ආත්මයකි. (ඇරිස්ටෝටල්)
මා කරන පරිද්දෙන් නුඹලා ද සියල්ලන්ටම ආදරය කරන්න. (ජේසු සමිඳාණන්)
සතුරකු මිතුරකු බවට පත්කරන එකම බලවේගය ආදරයයි. (මාටින් ලූතර් කිං)
ආදරය සදා පවතින්නට නම් එය යථාර්ථයට මුහුණ දිය යුතුය. (ලොරෙටා ලිවිංග්ස්ටන්)
ආදරය එක් රැයකින් නිම නොවේ. ඇතැම් විට උදෑසන තේ පානය දක්වා ද පැවතිය හැක. (ජුප්කා වෙන්ට නෝවා)
ඔබ ආදරය කරන කෙනකු තුළ ඇති සුන්දරත්වය සැබවින්ම දැක ගත හැකි වන්නේ ඔබ වටා ඇති සෑම දෙයකම සුන්දරත්වය වටහා ගත් පසුව පමණි. ආදරය මතු වන්නේ සැබවින්ම විවෘත වූ හදවතකිනි. (වෙරොනිකා මුගලේවා)
ආදරය යනු ලබන්නා මෙන්ම දෙන්නා ද සුවපත් කරවන මාහැඟි ඔසුවකි. (කාර්ල් වෙනිංගර්)
සිමෙන්ති පසාරු කරගෙන තණකොළ මතුවේ නම් ඕනෑම බාධකයක් මැඬගෙන ආදරයට දලු දැමිය නොහැකිද. (චර්)
ආදරය යනු එක තැන රැඳෙන දෙයක් නොව, එය නැවත නැවත අලුත් කළ යුතු දෙයකි. (උර්සුලා ම් ලී ගුයින්)
ආදරය තුරුණු වියේදී ලිංගික ආක්ෂණයක් ලෙස ද, මැදි වියේදී පුරුද්දක් ලෙස ද, මහලු වියේදී එකිනෙකා මත යැපෙන තත්ත්වයක් ලෙසින් ද පවතී. (ජෝන් සියාචි)
ආදරය ඉවත්ව ගිය කල ලොවම සොහොන් ගැබක් වනු ඇත. (රොබර්ට් බ්‍රවුනිං)
සහකරුගේ කොතෙකුත් අඩුපාඩු තිබුණ ද ඒවා අමතකකර ඔහුගේ / ඇයගේ එක් යහපත් ගුණයක් ගැන සිතා ආදරය කිරීම සැබෑ වූ ආදරයයි. (ඇල්ෆ්‍රඩ් ඩි මොසෙට්)
ඔබ ආදරය සොයා යා යුතු නොවේ. සැබවින්ම ඔබ පැමිණ ඇත්තේ ආදරය තුළින්ම නිසාය. (වර්නර් අර්හාඩ්)
සපුරා ආදරය පැතිර ගිය හදවතකම සතුට රජයයි.(තෙරේසා මවුතුමිය)
යමකු පිළිබඳ සියල්ල දත් කල ‘ආදරය’ රඳා පැවැත්මක් නැත. මන්ද ආදරය සැමවිටම සොයන්නේ සැඟව ඇති දෑ බැවිනි. (පෝල් වැලරි)
වැඩියෙන් පෙන්වන ආදරය පහසුවෙන් මතකයෙන් ගිලිහී යයි. එහෙත් ආදරයේ අඩුවක් වූ විට එය ජීවිතය පුරාම රිදුම් දෙමින් පවතී. (මිනෝන් මැක්ලාෆ්ලින්)
මහලු වියේ ආදරවන්තයා ශීත සෘතුවේ පිපුණ මලක් බඳුය. (පෘතුගාල කියමනක්)
මගේ හිස කෙස් සුදුව, සිරුර රැලි වැටී ගිය කල ද එදා තුරුණු වියේදී මෙන්ම මගේ මුව සිප ‘මං . . ආ . . ද . . රෙ . . යි . .’ කියනු මැන සොඳුරිය. (ජේමිස් ජේ. වෝකර්)
ඔබ ආදරය කරන කිසිවකු ඔබට අතේ දුරින් තබා ගත නොහැකිය. මන්ද ඔවුන් දෙඅත් විහිදා ඔබව වැලඳ ගන්නා නිසාය. (හොලී නිකොල් මිලර්)
ක්‍රීඩා කරන දෙදෙනාම ජය ගන්නේ ආදරය නම් ක්‍රීඩාවේදී පමණි. (ඊවා ගැබෝර්)
සැබෑ ආදරය භූතාත්ම මෙනි. හැම දෙනාම කතා වෙතත් අත් විඳ ඇත්තේ සුළු පිරිසකි. (ප්‍රංශුවා ඩි ලා රොචොෆ්‍රතෝල්ට්)
ආදරයත් කැස්සත් සැඟවිය නොහැකිය. (ජෝර්ජ් හර්බට් - 1651 දී)
ආදරය ලැබීම යනු දෙවියන් තම ඇඟිළි තුඩු ඔබේ උරහිස මත තැබීමක් බඳුය. (චාර්ල්ස් මෝර්ගන්)
සාමාන්‍ය ඔසුවලින් සුව කළ නොහැකි අසනීපයකි - ආදරය. (ඕවිඩ්)
ආදරය - රාත්‍රිය වෙත ගී ගයමින් සිට උදෑසන පිබිද තවත් ආදරබර දිනයකට සුබපැතුම් ගෙනෙන පක්ෂියකු බඳුය. (කලීල් ගිබ්රාන්)
ආදරය යනු වර්ගයාගේ පැවැත්ම ආරක්ෂා කිරීම් වස් සොබා දහම අප වෙත එල්ලකර ඇති වංචාකාරී ප්‍රයෝගයක්. (සොමර් සෙට් මෝව්)
ආදරය යනු එකිනෙකා වෙත නෙත් යොමා සිටීම නොව දෙදෙනාම එකමුතු වී බාහිර ලෝකය දෙස බැලීමයි. (ඇන්මොයින් ඩී සේන්ට්)
උමතුවක් නොවේ නම් එය සැබෑ ආදරය නොවේ. (පෙඩ්රෝ කල්දේරන් ඩිලා බර්තා)
ආදරය සෙමෙන් සෙමෙන් ඇද හැළී ජීවිත ගංගාව පුරවාලන වරුසාවකි. (මැලගැසි කියමනක්)
මා ඔබට ආදරය කරන්නේ ඔබ ලස්සන නිසා ද නැතිනම් ඔබ ලස්සන වන්නේ මා ඔබට ආදරය කරන නිසා ද. (රිචර්ඩ් රොජර්ස්)
මම ඔබට පෙර දිනට වඩා වැඩියෙන් ද හෙට දිනට වඩා අඩුවෙන් ද අද ආදරය කරමි. (රොස්ටන් ජෙරාඩ්)